Un dia bunita pa Evah Sophie Ras, cu a ricibi Hesus Cristo pa prome biaha. Mainta trempan pa 8or un grupo grandi di mucha tabata presente na Parokia Pro Catedral San Francisco di Asis. Evah a luci den un bunita diseño di Endy Croes, cu conoce Evah su gusto y toke personal hopi bon. Despues a sigui cu un brindis chikito y intimo na Peanuts Restaurant, pa celebra e bunita ocasion aki. Evah Sophie tabata Reina Infantil 2017 y ta sobrina di Parlamentario Sue-Ann Ras.
