Si nan pone bo scoge entre bebe un cerbes of biña, kico bo ta scoge? Si bo contesta ta cerbes… pabien! Esey kiermen cu bo ta fiel na bo pareha… segun un estudio di Centro Nacional di Evaluacion di Riesgo di Osteoporosis na Merca.
E investigacion tabatin como finalidad pa analisa e riesgo di osteoporosis cerca muher, cu ta consumi alcohol y di manera accidental a haya un resultado extra: e muhernan cu bebe cerbes sa ta mas fiel.
Pa yega na e conclusionnan aki, e specialistanan a analisa desde e habitonan alimenticio, e frecuencia cu ta haci deporte, hasta e relacionnan amoroso di cada participante.
Ademas a revela cu bebe cerbes ta disminui e riesgo di sufri di osteoporosis y cu incluso ta yuda na recuperacion di e wesonan, despues di ehercicio, di cual ta recomenda su consumo modera.
- Protega di osteoporosis. E cerbes ta contene vitamina, mineral y antioxidante natural, di cual su consumo modera por tin propiedad antioxidante y antiviral, cu ta contribui na mehora e salud.
- Preveni demencia. Den e estudio di SEGO ta detaya cu cerbes ta rico den silicio, mineral cu ta preveni e desaroyo di enfermedad manera Alzheimer.
- Menopausa. E vitaminanan, fibra y fitoestrogeno natural cu tin den cerbes ta preveni e sintomanan of malestar cu ta experimenta den e etapa femenino aki, ocasionando pa e nivel abou di estrogeno.
Ademas, cerbes ta bou den caloria y no ta contene vet ni sucu, cual no ta laga bo subi di peso. Y e consumo modera di cerbes ta brinda bo vitamina, fibra, potasio, magnesio, sodio, hidrato di carbono y proteina, pa gosa di un bon salud.
