Tabata diasabra 10 di augustus ultimo cu Aeropuerto di Aruba a duna e oportunidad na 7 Spotter local y internacional pa ta riba rampa, unda cu normalmente no ta permiti ningun fotografo, pa por saca e mihor potretnan di e avionnan cu a yega y sali for di Aruba e dia ey. Esaki ta di 2 aña cu Spotter’s Day ta tuma lugar y Aeropuerto di Aruba ta ansioso pa mira e potretnan cu e fotografonan a saca.
Tur fotografo lo manda nan 3 mihor potretnan, pa asina via un sistema di votacion via Aeropuerto di Aruba su facebook page, saca e Spotter ganador cu lo gana un exposicion den Aeropuerto Internacional Reina Beatrix. Ganador di aña pasa Jean-Pierre Maduro y actualmente tin su propio exposicion na 2 localidad, cu lo keda pa 1 aña na Aeropuerto di Aruba. Por mira e exposicionnan aki na gate 2 y tambe na gate 5.
