Cu un talento artistico y pasion pa tur locual cu e ta crea cu su mannan, inspirando for di un look excepcional of un mural impresionante, Viroh a demostra su evolucion como estilista y artista. E ta forma parti di e team di ENVY y tin su Viroh Design, unda den cada trabou cu e ehecuta, e ta hacie cu amor y dedicacion. Viroh a forma parti di e excelente ekiponan di trabou como estilista, productor y acesor di imagen.
Den edicion di FOCUS di november, Viroh ta conta di su trayectoria di 25 aña como diseñador integral, estilista y makiyador. E ta corda e dia cu el a yega Aruba pa biba dia 12 di december 2012 cu e expectativanan grandi. E no tabata conoce e isla, e tabatin un poco temor di e idioma, de hecho e no tabata ni sa con pa bisa Papiamento, solamente e basico ”bon dia”. Despues di 7 aña e ta sinti agradecido cu Dios por a permitie haci su bida na Aruba, unda ta habri e portanan y e oportunidadnan pa tur cu kier probecha di dje y duna balor na e bunita bendicion aki.
