E hospitalnan di Reino Uni ta kedando sin personal, cama y oxigeno memey di e intensificacion di e crisis causa pa e ‘mutant strain’ di Covid. Un situacion di emergencia a keda declara ya cu e cantidad di pashent cu ta ricibiendo tratamento pa Covid ta mas halto cu e prome ola. E hospitalnan a solicita pa traslada e pashentnan di ICU di Londen pa Yorkshire, pasobra nan tabata full yen. E ambulansnan tabata den rij para pafo di A&S na Inglatera y Wales, cu pashentnan cu tabata haya tratamento den e vehiculonan.
Na London Hospital e ambulansnan tabata para ayera nochi den rij pafo, unda e personal a bisa cu e salanan ta full yen y espera pa cama awor ta 24 ora.
E publico ta e culpabel di e cantidad record di e casonan di Covid y nan tin ‘sanger den nan man’, si nan no uza nan masker mientras cu e pashentnan ta spera 24 ora pa e camanan di hospital, pa stop e coronavirus di ‘plama’ manera candela door di e salanan, e miho dokternan a bisa ayera. E profesor Hugh Montgomery, un consultant na University College Hospital na Londen, a bisa cu e ta hopi ‘rabia’ cu e hendenan pa nan ‘mal comportacion’ pa no sigui e reglanan, momento cu e casonan ayera a bolbe alcansa 50.000 plus y e mortonan ta yegando 1.000.
Professor Hugh Montgomery, un consultant na University College Hospital na London, a bisa cu e ta ‘rabia’ cu e publico pa faya di sigui e reglanan.
“Nos no por culpa e gobierno, no por culpa e ‘Tier system’, pasobra e hendenan aki ta comporta nan mes hopi malo. Mi ta djis hopi rabia riba esaki. Si bo ta bistiendo tapaboca, laba man, e virus aki no ta manera cu e ta aworaki”, el a bisa den un entrevista na Times Radio. El a agrega: “Cualkier persona cu no ta bisti nan ‘mask’ tin sanger den nan man”. E dokter- y enfermeronan na Royal London Hospital na Whitechapel, a roga nan hefenan pa declara un situacion di emergencia, ora nan a habri un sala nobo y traslada e adultonan den un kinderafdeling despues di 200 caso nobo di e pashentnan di Covid mester a keda interna e siman aki.
Gareth Grier, consultor di A&E na Barts Health NHS Trust na este di Londen, a tweet: “Si e pashentnan cu covid ta ser laga riba gang e ora covid lo plama manera ‘wildfire’ den e hospital. No por permiti pa esaki pasa. E medicina di gang cu anteriormente tabata ‘endemic’ (un enfermedad of condicion cu ta haya regularmente entre personanan en particular of den un area determina) den e departamentonan di emergencia lo mata e hendenan y personal, si permiti pa esaki pasa atrobe. P’esey e teribel opcion di trata e pashentnan pafo di e hospitalnan”.
E hospitalnan di Reino Uni ta kedando sin e trahadonan, espacio den e salanan, oxigeno y incluso cusinchinan, y e pashentnan ta wordo trata pa e dokternan den e vehiculonan di emergencia mientras ta spera te asta seis ora pa wordo interna. Den algun caso, e hendenan a ser desvia despues pa mas di 100 miya di distancia, ora cu algun ICU na Londen cu tabata completamente yen di hende, a cuminsa puntra e hospitalnan mas grandi na Tyneside Yorkshire, si nan kier tuma algun di nan pashentnan cu Covid. Un lockdown nacional total pa fin di januari ta inevitabel, segun un experto di SAGE, ora cu 20 miyon hende ta hundi den Tier.
E ambulansnan tabata ‘opgestapeld’ pafo di Royal London Hospital na Whitechapel mientras e hospitalnan ta luchando pa suministro hospitalario.
