Cicely Tyson, un actriz pionero color scur cu a gana un nominacion pa Oscar pa su rol di e casa di ‘sharecropper’ den e pelicula ‘Sounder’ na 1972, a muri ayera tardi na e edad di 96 aña. E famia di Tyson a anuncia su fayecimento a traves di su manager Larry Thompson, ken no a duna detayenan adicional. “Cu gran tristesa, e famia di Miss Cicely Tyson ta anuncia su transicion pacifico awe tardi. Na e momento aki, permiti e famia su privacidad”, segun un comunicado emiti a traves di Thompson.
Tyson, cu un tempo tabata modelo, a cuminsa su carera riba pantaya cu rolnan chikito, pero el a gana fama na principio di decada 1970, ora e hende muhenan color scur finalmente a cuminsa haya rolnan protagonico. Ademas di su nominacion pa Oscar, el a gana dos premio Emmy pa interpreta e ex-esclava di 110 aña den e drama televisivo na 1974: ‘The Autobiography of Miss Jane Pittman. E memoir di Tyson, ‘Just As I Am’, a ser publica e siman aki. “Mi ta hopi selectivo manera cu mi tabata henter mi carera riba loke mi ta haci. Desafortunadamente, mi no ta e tipo di persona cu ta traha solamente pa placa. E mester tin un algun sustancia real pa mi por hacie”, El a bisa na The Associated Press na 2013.
Un generacion nobo di ‘moviegoers’ a mire den e hit na 2011, ‘The Help’. Na 2018, el a ricibi un ‘honorary Oscar statuette’ na e premionan anual Governors Awards. “Esaki ta un culminacion di tur e añanan di tin y no tin”, Tyson a bisa. E tabata un di e ganadornan na 2016 di Presidential Medal of Freedom, e honor civil mas halto di e nacion. Den e ceremonia ey, e presidente Barack Obama a bisa: “E fe y gracia di Cicely a yuda nos pa mira e dignidad di cada uno di e bunita recuerdonan di e famia Mericano”.
“Sounder’, basa riba e novela di William H. Hunter, tabata e pelicula cu a confirma su ‘stardom’ na 1972. Tyson a ser eligi como e esposa amoroso di e era di depresion di un sharecropper (Paul Winfield), cu a bay den prison pa horta un pida carni pa su famia. El a ser obliga pa cuida su yiunan y atende e cultivo. Un critico di New York Times a scirbi: “E ta laga pasa tur su beyesa subtil pa duna nos, porfin, un sentido di profundo beyesa di e miyones di muhe color scur”.
