Salma Hayek a demostra cu na su 54 aña, e ta den su miho momento y su beyesa no ta caduca, prueba di esey ta su potretnan cu e sa comparti riba su rednan social, sin embargo e actriz a confesa di a sufri di bullying durante henter su bida pa ta un persona cortico di estatura. Den un entrevista den Variety, e mexicana a conta di su proximo pelicula di Marvel, Eternals! Salma ta interpreta Ajak, e personahe cu den e pelicula lo ta e lider di e aliens cu tin superpoder, cu ta biba den secreto riba e planeta Tera.
E actriz a admiti cu e no tabata sa nada tocante di e comic prome cu el a haya e rol den e pelicula. El a hura di warda e secreto durante un tempo hopi largo, pasobra e tabata un di e prome personanan cu nan a contrata, ta loke Salma a comparti den e podcast ‘Just for Variety’ di Variety. El a revela cu ora el a ricibi e yamada, cu el a bisa cu eventualmente e lo haya sa tur cos, pero kico ta Eternals? Nan ta existi den e comics? E no sa ken ta Ajak. Despues nan a splik’e tur cos, pero no a dune e script. E mester a firma e contract sin lesa e script, paso nan no a lage wak te ora cu e firma. Esey a lage sinti hopi inkieto.
