Oprah Winfrey a confesa cu el a ser viola diferente biaha pa varios miembro di su famia ora e tabata chikito. E declaracionnan polemico a surgi den e serie documental ‘The Me You Can’t See’, cu e ta produci hunto cu prins Harry, cu su estreno tabata diabierna a traves di AppleTV. “Mi primo di 19 aña a viola mi cu 9, 10, y 11 y 12 aña. Mi no tabata sa kico tabata un violacion. Ciertamente mi no tabata consciente di e palabra. Mi no tabatin idea kico tabata sex, mi no tabatin idea di unda e babynan ta bin, ni sikiera mi tabata sa kico tabata pasando cu mi. Y mi a warda e secreto ey”. E strea di television a bisa.
Ademas di su primo, Oprah ta sigura cu tambe el a ser abusa sexualmente pa su omo y otro familiarnan te ora el a cumpli 14 aña di edad. El a keda na estado y el a wordo manda pa biba cu su tata. E baby mucha homber a muri ora e tabatin dos siman. “Y ta algo cu mi a acepta. Cu un mucha muhe chikito no ta sigur den un mundo yen di homber”, e presentadora di 67 aña ta corda. Den un otro entrevista pa e portal Today, Winfrey a conta tocante otro abusonan cu el a sufri como mucha. “Mi wela tabata hopi duro, manera hopi di e mayornan color scur durante e epoca ey, e idea di brasa y stima bo yiu of incluso permiti cu un mucha ta sintie aprecia no tabata parti di su bida”, el a bisa.
Oprah Winfrey a comparti un post riba su Instagram, unda e ta bisa cu ora ta trata di salud mental, nos tur tin un storia pa comparti. Solamente na Merca, 1 de cada 5 persona ta sufri di algun tipo di enfermedad mental. Y riba cualkier dia, ta posibel cu ABO no ta sinti 100%. Ta p’esey cu prins Harry y ami a asocia pa #TheMeYouCantSee. E trailer ta djis pa haya un glimpse di e storianan poderoso cu ta bay scucha, desde @ladygaga te @demar_derozan y otro persona di bo no conoce pero cu nan storia cu balentia ta bay zona profundamente den bo. Nos speransa ta cu bo ta wak e serienan y ta sinti empodera pa acerca amigonan y tin e combersacionnan aki cu gracia y empatia. Tur e epidodionan ta disponel desde diabierna 21 di mei riba @ AppleTV + #MentalHealthAwarenessMonth.
