ABBA ta lansando su prome musica nobo den cuatro decada, hunto cu un concierto den cual e cuarteto ‘Dancing Queen’ ta bay completamente digital. E proximo album ‘Voyage’, cu ta wordo lansa dia 5 di november, ta un continuacion di ‘The Visitors’ di 1981, cu te cu awo ta e ‘swan song’ di e super grupo Sueco. Y un version virtual di e banda lo cuminsa un serie di concierto na Londen dia 27 di mei.
“Nos a tuma un break na sping di 1982 y awo nos a dicidi cu ta ora pa termina”, ABBA a informa den un comunicado awe. “Nan ta bisa cu ta un imprudencia warda mas cu 40 aña entre album, p’esey nos a graba e follow-up di ‘The Visitors’.” E grupo tabata creando e espectaculo holografico en bibo, utilizando captura di movimento y otro tecnica, cu George Lucas su compañía di efectonan special, Industrial Light & Magic.
E concierto a ser yama ‘e concierto mas straño y espectacular cu por soña’. Nan por bay sinta den un audiencia y wak nan mesun digital interpretando nan cancionnan “, segun e declararion di e grupo. “Straño y maraviyoso”! E show planea a impulsa e realisacion di e album, cu ta presenta nuebe cancion ‘I Still Have Faith In You’ y ‘Don’t Shut Me Down’. E sesionnan a cuminsa na 2018 y a retrasa door di e pandemia di coronavirus.
E show ta yega 50 aña despues di e fundacion di e grupo, cu tabata forma pa dos pareha casa durante e mayoria parti di nan existencia, y e nomber ta un acronimo di e prome nombernan di nan integrantenan: Agnetha Fältskog (71), Björn Ulvaeus (76), Benny Andersson (74) y Anni-Frid Lyngstad (75). E medionan britantico a revela for di siman pasa cu e show lo ta primavera 2020 den Queen Elizabeth Olympic Park y e entradanan lo ta na benta for di 10’or di mainta (ora di Reino Uni) dia 7 di september.
