E evento mas spera di aña ta dia 18 di november y tur e amantenan di biña y whiskey por cuminsa planea kico pa bisti pa ‘Cirque du Soleil’ charity gala presenta pa Kiwanis Club of Aruba. E fiesta aki ta e oportunidad mas grandi pa disfruta di un anochi ‘glamoroso’ y alabes pa recaudacion di fondo, pa asina KCA por sigui sostene e diferente fundacionnan cu ta conta riba e club anualmente.
Jane Wever-Vermaas, miembro di Kiwanis Club of Aruba y chair di e fundraising committee a splica den Focus Digital Magazine di october kico tur por spera riba e anochi fabulosamente diseña pa ta un experiencia super unico. Door di tabata ausente cu e evento anual pa dos aña door di pandemia, e interes di parti di e publico ta grandi pa asisti na e fiesta aki. Cu satisfaccion KCA a anuncia cu e seccion VIP a ser bendi rapidamente manera e carchinan a sali na benta.
E bandanan presente lo ta Buleria, ‘N Fusion y Tsunami, y ta bay tin entretenimento acrobatico y aerial dancers. Banda di e exkisito dinner buffet lo tin e diferente barnan cu excelente biña, whiskey, craft beer y mojito. E decoracion den Renaissance Convention Center lo bay ta simplemente espectacular manera semper por spera di e fiestanan di Kiwanis Club of Aruba.
Esaki sigur ta un evento cu bo no por perde! Tin algun ticket obtenibel ainda y por acerca e miembronan di KCA of por manda un email pa [email protected]. Focus Digital Magazine ta accesibel via Apple iStore, Android Google Play Store y www.focus.aw (Menu Tab FOCUS DIGITAL)
