Pa e reinanan di beyesa, ademas di gana y carga e prestigioso titulo di Miss Universe pa un aña, tambe ta existi e sensacion di privilegio ora ta trata di uza un joya icono: Corona di Miss Universe. Desde cu e certamen a cuminsa na 1952 tabatin varios estilo di corona uza pa e ganadoranan durante e añanan, y cada uno a laga su propio marca den e historia di e certamen di beyesa.
Mouawad a presenta un corona nobo: ‘Force For Good Crown’ cu lo wordo luci pa Miss Universe 2022 y ta balora na aproximadamente 5.75 miyon dollar. Cu 108,44 carat di sapphire blauw den forma di peer rondona pa 48,12 carat di diamanta blanco, e diseño ta yen di simbolismo: e ta evoca e creencia di e organisacion den un futuro, forma pa e muhenan cu ta supera e limitenan di kico ta posibel y pa e muhenan increibel for di rond mundo, cu ta boga pa un cambio positivo, ta loke Fred Mouawad, 4th Generation Co-Guardian, a comparti den e descripcion di ‘Force For Good Crown’.
E piedranan precioso ta coloca den motifs di ola di lama, cu ta refleha e necesidad di cualkier yamada pa cambio ser ripiti durante tempo y pa varios audiencia cu e fin di genera e impulso necesario pa e cambio aki surgi. E obhetivo final di cambio pa bon ta representa pa royal blue sapphire di 45.14 carat, cu ta para victorioso na e top di e corona.
Den contrast, reflehando e punto cu cambio significativo no ta pasa den un instante, sino solamente despues di un esfuerso sosteni durante tempo, e base di e corona ta set cu diamantanan cu ta simbolisa e status quo. Manera e wowo ta move ariba for di e base, e transicion di color ta cambia di blanco briyante di e diamantanan pa blauw mas intenso di e sapphires, profundisando den intensidad pa e punta mas halto di e corona, unda e color profundo royal-blue di e ultimo sapphire ta simbolisa e bondad y speransa di un futuro mas briyante.
E corona ta recorda nos tambe cu poco biaha tin cambio sin resistencia. E stakeholders cu un interes crea den mantene status quo lo purba na evita e cambio, representa pa motifs abstracto cu ta imita e cabes di serpiente alrededor di e base. Esakinan ta supera den cantidad y ta domina pa e olanan di lama ariba, como cu finalmente e forsa pa e bon ta sali victorioso.
E corona ta representa e era nobo di Miss Universe Organization despues cu e media tycoon di Thailand, Anne Jakrajutatip, propietaria di JKN Global Group, a cumpra e franchise na october 2022 pa $20 miyon. Esaki ta e prome biaha cu e prestigioso certamen ta propiedad di un muhe den su 71 aña di historia. Un corona nobo pa un era nobo: den cambio tin e forsa pa e bon.
