Durante e luna di hende muhe, hopi hende ta desea di sa con nan por sostene e hende muhenan den nan carera laboral, na pia di trabou, y den nan bida priva. Lo ta fantastico si e pregunta aki wordo haci no solamente den luna di hende muhe. Paso hende muhe merece di e sosten, empoderamento y e comunidad aki semper. P’esey e sexinista, Dina Alexander, ta comparti 2 manera poderoso pa sostene e hende muhe den edicion di Focus Digital Magazine di maart.
CON PA YUDA UN HENDE MUHE
Aki Dina Alexander ta contribui cu 2 manera con pa sostene y empodera un hende muhe. E prome ta ‘maneha bo mes’, esaki ta e manera con bo ta yuda un hende muhe maneha su mesun dudanan. Scucha bo dialogo interno anto pusha bo mes ora bo scucha prehuicio. Tambe maneha bo mesun lenguahe y expresion. Con un persona ta expresa su mes ta influencia grandemente riba nan manera di pensa, actua y escogencianan. Pues paga tino na kico bo ta bisa y na kico bo ta haci. Sigura cu bo ta enforsa igualdad y husticia pa cu hende muhe y tur cos.
Aki Dina Alexander ta contribui cu 2 manera con pa sostene y empodera un hende muhe. E prome ta ‘maneha bo mes’, esaki ta e manera con bo ta yuda un hende muhe maneha su mesun dudanan. Scucha bo dialogo interno anto pusha bo mes ora bo scucha prehuicio. Tambe maneha bo mesun lenguahe y expresion. Con un persona ta expresa su mes ta influencia grandemente riba nan manera di pensa, actua y escogencianan. Pues paga tino na kico bo ta bisa y na kico bo ta haci. Sigura cu bo ta enforsa igualdad y husticia pa cu hende muhe y tur cos.
E di dos ta ‘prepara e caminda’, cual ta un otro manera pa empodera y apoya hende muhe ta door di influencia of door di crea oportunidadnan pa nan. Recomenda miho flexibilidad na trabou pa hende muhe, e ora nan por nabega tur nan demandanan den nan bida. Defende e practicanan cu lo expande escogencia pa hende muhe y nan control riba nan ‘schedule’, responsabildadnan y carera profesional. Trabou caminda homber y muhe ta wordo paga mesun placa pa e mesun trabou, transparencia den oportunidad den trabou y culturanan di respet. Focus Digital Magazine ta accesibel gratis a traves di Apple iStore, Android Google Play Store y www.focus.aw (Menu Tab FOCUS DIGITAL). Den edicion di maart por lesa e interesante topico aki ‘2 manera poderoso pa sostene hende muhe’ den su version completo.
