E amistad entre Mayo Stoppels y Milena ‘Mily’ Reyes a nace desde varios aña pasa y actualmente nan ta haciendo un duo fantastico den nan programa ‘Despertar con Mily & Mayo’ di 7or pa 9or di mainta. E idea di e programa a surgi for di un invitacion cu Jhon Wats, director di e emisora La Kalle 91.5, a haci na Mayo pa realisa un show durante e orario matutino. Despues di esaki Mayo a invita Mily pa participa den e proyecto aki, sinembargo door di un serie di compromiso no a permiti dispone di e tempo te cu awor.
Milena Reyes den e area profesional ta gradua como publicista y despues como psicologo. El a conecta tambe cu e deseo di diseña, loke a hibe na crea su propio marca Milena Reyes Lifestyle. E tabatin otro fuentenan riba nivel academico y den oficio manera lesnan di locucion y canto, cu awor e ta pone den practica den e programa.
Mayo Stoppels su carera como fotografo profesional tabata un travesia emocionante cu a abarca diferente area dentro di e mundo di fotografia. Segun cu el a bay ta desaroya profesionalmente, el a haya su pasion den fotografia di boda y comercial. Den e area comercial el a colabora cu diferente marca, empresa y colaboracion cu varios revista local y internacional.
Ambos ta conta cu personalidad y vision di mundo hopi particular, cu ta ser refleha den e trabou cu nan cada uno ta ehecuta. Lesa mas di Mayo Stoppels y Milena ‘Mily’ Reyes den nan aventura nobo den Focus Digital Magazine, cu ta accesibel via Apple iStore, Android Google Play Store y www.focus.aw (Menu Tab FOCUS DIGITAL)
Download bo revista awo!
