Su carera profesional semper tabata relaciona cu e sector hotelero y turismo, ocupando posicionnan di liderazgo tanto na Aruba como na Merca. Actualmente Vicky Perez ta dedica na duna conseho na diferente empresa, doño di hotel y operador di sector hotelero, colaborando cu marcanan reconoci manera Marriott, Hilton, IHG y Hyatt. Su experiencia y conocemento ta permiti cu por contribui significativamente na desaroyo y innovacion den sector aki.
![](https://focus.aw/wp-content/uploads/2024/04/IMG_6290-1024x633.jpg)
Su mayor logro ta pa sobresali den e industria hotelero y turistico, cu ta un campo tradicionalmente domina pa homber. Vicky a logra destaca danki na su perseverancia y dedicacion constante na mehora den e sector. Ademas di su rol como ‘consultora’ e ta hiba e esencia di hospitalidad cu el a siña na Aruba na cada proyecto y luga unda e ta traha, representando e isla como su embahadora. E logro aki ta refleha no solamente su exito profesional sino tambe su compromiso con promove e balornan di Aruba na mundo.
![](https://focus.aw/wp-content/uploads/2024/04/IMG_4203-1024x821.jpg)
![](https://focus.aw/wp-content/uploads/2024/04/IMG_7126-768x1024.jpg)
Vicky a haya na Aruba un les di bida cu no ta existi berdadero diferencia entre nos, cu e fronteranan entre e personanan di diferente pais ta disparce cu e hospitalidad y encuentro di culturanan. Den Focus Digital Magazine di april, Vicky Perez ta conta di su decision pa muda y di su funcion nobo como ‘Task Force – Advisor” na Merca. E revista ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL)