Aruba Tourism Authority (A.T.A.) ta sumamente orguyoso pa mira atletanan cla pa representa Aruba durante weganan Olimpico Paris 2024. Como compromiso pa deporte na Aruba, A.T.A. a compromete pa cinco aña consecutivo na Commitee Olimpico Arubano (C.O.A.) na varios aspecto crucial a traves di un acuerdo cu ta resalta e dedicacion como un organisacion.
A.T.A. ta reconoce y balora e trabou consistente y excelente cu C.O.A. a bin ta haci pa hopi aña como un parti instrumental den crea un reputacion fuerte y un imagen positvo pa nos ekipo Olimpico segun reglamento, regulacion, y standard di Olympic Charter. Asina demostrando integridad y dedicacion durante cada paso di e trayectoria pa asina desaroya y fortalece atletanan local na un nivel Olimpico.
Esaki ta un momento di orguyo pa cada un di e atletanan cu lo bay representa Aruba dignamente: Chloë Farro y Mikel Schreuders cu lo competi den landamento, Ethan Westera y Just van Aanholt – vela, Shanayah Howell – ciclismo/BMX, y Philip Elhage – tiro. Ta reconoce e balor y representacion inmenso di cada atleta cu lo fungi como embahadornan di Aruba. Caminda cu lo promove e isla, no solamente como un destinacion turistico, pero alabes como un tera di talento deportivo… Exito na nos atletanan!
 ta sumamente orguyoso pa mira atletanan cla pa representa Aruba durante weganan Olimpico Paris 2024){kind=link}