Cu inauguracion di BarTapas awor tin un restaurant nobo y vibrante! E ta ubica na e piso mas ariba di Divi Village Golf & Beach Resort su Clubhouse. BarTapas ta priminti di trece tapas yen di sabor estilo Spaño na Aruba, loke lo converti’e den e luga perfecto pa amigonan, famia y amantenan di cuminda reuni pa comparti y celebra bida.
Na BarTapas e filosofia ta simpel: “Life’s too short for just one plate!” E huespednan ta invita pa yena nan mesanan y alimenta nan alma cu un seleccion varia di tapas frui y cayente, dushi dessert y cocktail refrescante y excitante. E ubicacion di e restaurant na e piso mas ariba ta ofrece un bista impresionante riba Divi Aruba su golf course y mas aleu e lama blauw a traves di e bentananan amplio, loke ta proporciona e backdrop ideal pa un experiencia gastronomico inolvidabel. Saborea grilled octopus, Spanish lamb stew, classic pan con tomate of crea bo propio platter di keeshi Spaño y cu opcionnan manera serrano ham y Manchego cheese.
“Tapas pa mi ta mas cu djis cuminda – E ta un forma pa comparti bon momento cu amigo y famia, algo den cual mi ta kere profundamente”, segun Chef Darwin Torres, Regional Executive Chef na Divi Resorts. “Esey ta e espirito cu nos a hinca den BarTapas. Ya sea local of bishitante, nos restaurant ta diseña pa ta un luga unda e hendenan ta reuni pa disfruta di bon cuminda, bon compania y di e ambiente caluroso y hospitalario di Aruba, tur cu un toke Spaño”.
Chef Torres a elabora maestralmente un menu cu ta showcase e escencia di tapas tradicional Spaño cu un twist moderno. “Mi a combina mi hopi y feliz añanan di experiencia comiendo y cushinando e platonan aki, cu mi pasion pa e tecnicanan culinario innovador y claro pa un presentacion bunita. E resultado ta un menu cu ta presenta e bocado Spaño clasico cu bo conoce y encanta, cu ingrediente y textura cu ta laga bo keda entusiasma pa e proximo plato”, Chef Torres ta agrega.
BarTapas ta habri di diaranson pa dialuna di 5PM pa 10PM, loke ta brinda e huespednan e oportunidad pa experimenta e sabornan vibrante y ambiente dibertido cu ta defini e restaurant nobo aki. Ya sea cu bo ta reuni pa un ocasion special of simplemente ta desea pa disfruta di un cuminda delicioso, BarTapas ta cla pa converti den un destinacion must-visit na Aruba.
Download bo revista awo!
