Durante diferente edicion di Focus Digital Magazine, e sicologo Sabrina Sonensein di Mindful Love Aruba, a enfoca riba e herida di tata ausente “daddy issues”, pero con a para cu e herida di mama? Aunke e no ta un diagnostico medico tampoco e ta un topico cu nos ta scucha hopi den social media ni tampoco durante terapia. Sinembargo e ta uno hopi importante cu di manera significativo por impacta nos relacionnan adulto.
E rason pakico e herida di mama tin asina un efecto profundo riba nos durante nos infancia y den nos formacion? Esaki ta pasobra e ta sembra simia di duda den nos mente tocante nos balor propio, nos confiansa den otro y siguransa den e mundo rond di nos. E dolor y stress di e herida di mama ta haci cu hopi no kier papia di e topico aki como resultado, reconoce cu bo tin un herida di mama, procesa esaki y sana di dje ta bira hopi mas dificil.
E ta importante pa subraya cu ora nos papia di herida di mama nos no ta referi solamente na mama biologico, pero na e persona cu ta asumi rol di mama (un tata soltero, un wela, un mama adoptivo). E herida di mama por afecta hende muhe y homber di manera diferente. Sabrina Sonensein ta elabora riba entre otro – Kico ta e herida di mama – Con bo por reconoce sintoma di herida di mama – Tips con pa sana herida di mama.
Focus Digital Magazine ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
![Pinterest](https://pinterest.com/pin/create/button/?url=https://focus.aw/index.php/2024/12/02/e-sanacion-di-e-herida-di-un-mama-ausente-ta-sosode-cu-intencion/&media=https://focus.aw/wp-content/uploads/2024/12/medium-shot-upset-mother-scolding-daughter.jpg&description=Durante diferente edicion di Focus Digital Magazine, e sicologo Sabrina Sonensein di Mindful Love Aruba, a enfoca riba e herida di tata ausente "daddy issues",){kind=link}