For di hopi jong Angel León tabata bishita Aruba y semper el a considera e isla como un paraiso cu ta inspira beyeza, alegria y elegancia. Kisas hopi hende no sa cu na 2005 nan a lansa na Aruba un revista di moda y turismo cu tabata yama “Aruba Fashion Life” unda tabata reseña e mas top di nos destino. For di eynan y siguiendo e tendencia global di Fashion Week, Angel a sinti cu Aruba tabata e escenario perfecto pa combina moda, luho, turismo y negoshi bou un mesun lenguahe: esun di e experiencia. Desde 2016 cu a inicia e soño aki, Aruba Fashion Week a haci un biahe di constante evolucion.
Angel León, Director di Aruba Fashion Week, su vision ta pa crea un evento cu no solamente ta mustra e coleccionnan, sino cu ta conecta culturanan y pone Aruba riba mapa mundial como un destino di moda, bienestar y lifestyle. E aña aki nan tabata kier pa Fashion Week converti den un experiencia di impacto halto pa tur nos bishitantenan. Mas alue di e pasarelanan y showroom habitual, nan a introduci e Brand Experience Hall, un espacio ‘inmersivo’ unda e bishitantenan por tin interaccion directamente cu marcanan icono. Desde disfruta di e lounge area cu joyeria exclusivo, fragancianan te na experiencianan di beyeza. Tur esaki acompaña pa e ‘sello’ di hospitalidad di nan aliadonan Joia Aruba.
E imagen di e edicion di e aña aki ta celebra nos ADN marino, mescla cu e esencia di e hotel di ultra luho, Joia by Iberostar, cede oficial di e evento, cu su conexion cu lama, cocolishinan y pureza natural di Aruba. Ta e prome biaha tambe cu nan ta incorpora inteligencia artificial den e diseño visual di e evento, reafirmando e compromiso cu innovacion y evolucion. Cada show y cada experiencia lo ta diseña pa transmiti bienestar, elegancia y felicidad como e luho nobo. E trayecto di Aruba Fashion week a cuminsa cu un soño y awe ta un plataforma reconoci internacionalmente cu ta atrae e biaheronan elite, prensa global, diseñadornan y marcanan di luho.
Cada edicion ta representa crecemento, enseñanza y un oportunidad pa contribui na eleva e nomber di Aruba aun mas halto. E highlight cu a marca e trayecto aki ta pa wak Aruba riba e pantayanan internacional for di Times Square te na medionan manera Vogue Latinoamerica, E! entertainment y ricibi bishitantenan di mas di 20 pais. Danki na nan MediaTour internacional ta hiba e esencia di Aruba y di e evento na escenarionan manera New York, Miami, Bogota, Medellin y proximamente Argentina y São Paulo.
Segun Director di Aruba Fashion Week e tendencianan cu ta marca nan evolucion ta e luho ‘experiencial’, sostenibilidad emocional, bienestar y conexion cu e ambiente. Angel León ta conta den Focus Digital Magazine di e luna aki cua tabata su mayor desafio y con el a logra supera esaki. E revista ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
