Prepara pa e evento di moda y luho mas anticipa den Caribe! Aruba Fashion Week ta regresa for di 11–14 di december 2025, na e impresionante Joia Aruba by Iberostar, e ultimo joya di Caribe. Situa riba Eagle Beach — clasifica como e beach #1 den Caribe y entre e tres mihonan na mundo — e evento aki lo trece hunto e miho di moda internacional, talento local y experencianan di luho inolvidabel.
Aruba Fashion Week a bira un plataforma poderoso pa diseñadornan y marcanan cu ta busca pa expande den Aruba y Caribe, mientras cu ta sirbi tambe como e escenario perfecto pa lansa talento local riba mercadonan nobo den henter Latino America, Merca y Europa. E aña aki, Aruba y Joia Aruba by Iberostar orguyosamente ta join como e anfitrionnan y sponsornan principal, reafirmando nan compromiso cu turismo di luho, estilo di bida, cultura, arte y sostenibilidad.
Pero e edicion aki ta trata mas cu solamente moda — e ta un celebracion di e espirito innovativo y sostenibel di Aruba. Su campaña global di promocion lo probecha e poder di inteligencia artificial pa crea un homenahe visual vibrante di e tesoronan natural iconico di Aruba: lama, santo y rifnan di coral. Spera un narativo fresco y emocional cu ta capta e berdadero esensia di paraiso.
E edicion di Aruba Fashion Week 2025 ta wordo construi en torno di tres pilar poderoso, cada un diseña pa eleva e experiencia:
1 Fashion Shows
Tumando luga den e venues impresionante di Joia Aruba, e pasarelanan lo destaca marcanan participante y mustra diseñadornan di clase mundial den un espectaculo di moda inolvidabel.
2 Commercial Showroom
Strategicamente situa paden di Red Sail Boutique na Joia Aruba, e espacio aki ta traha pa fomenta conexionnan directo entre marcanan y cumpradonan por mayor y minorista, ofreciendo tres dia completo di oportunidadnan di promocion, benta y crecemento empresarial.
3 Luxury Experiences
For di charlanan tocante moda y conferencianan specialisa te na activacion di marcanan exclusivo, cada invitado lo ta meti den un biahe di estilo, conocemento y networking di nivel halto manera nunca antes.
Cu un vision determina pa futuro y un impulso cla pa expansion global, Aruba Fashion Week 2025 ta cla pa surpasa tur expectativa, consolidando Aruba no solamente como un destinacion di bo soño, pero como un berdadero hub Caribense pa moda y luho.
Pa mas informacion, bishita nan website y sigui nan riba social media: Aruba Fashion Week riba tur plataforma! https://linktr.ee/arubafw.eng
