E mayornan di Lucas Agrela do Nascimento tabata riba e portada di Focus ilustrando nan enlace matrionial celebra 22 di april 2022 na California. Marc y Nicole a conta di nan prome ‘date’ y di e forma magico con e proposicion a tuma luga na Las Vegas. Otro momento impresionante den nan bida ta e nacemento di nan baby dia 17 di december 2025. Nan ta bisa ta dificil pa pone den palabra con nan a sinti momento cu a tene e baby pa prome biaha. Unabes cu e baby tabata den nan brasa ambos tabata sin palabra y emocionnan tabata halto. Henter mundo a djis para y nada otro no tabata importa cu excepcion di nan yiu homber.
Nicole ta conta cu su embaraso tabata un biahe real — yen di siñamento y crecemento. Algun momento tabata un reto manera e prome trimester caminda e tabatin asina hopi nausea cu apenas e por a funciona. En general, e tabata un experiencia asina bunita y lo a haci’e 1000 biaha si e hib’e na su yiu homber. E tabatin un parto natural cu tabata basta suave te na final cu a bira intenso. Nicole a duna luz sin un solo contraccion te ora el a dilata 5cm. Despues el a cuminsa haya contraccion pa 4or di mainta y Lucas a nace mas laat e atardi ey. E tabata increiblemente ‘empoderante’ despues. El a cord’e con fuerte e curpa femenino ta y con e curpa djis sa kico pa haci.
Marc y Nicole Agrela do Nascimento ta conta cu e adaptacion mas grandi den nan rutina diario ta e tempo cu ta parce completamente diferente awor. Tur cos ta basa riba e schedule di e baby. Basicamente nan mester a siña haci nan actividadnan diario di nobo, hasta cana cu e cachonan awor tin un stroller envolvi, pues tur cos ta un learning curve. Den Focus Digital Magazine di februari, Marc y Nicole ta conta con nan a yega na escogencia di e nomber di nan yiu homber. E revista ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
