Compra, coriente, salimento, gasolin… ta manera cu tur prijs ta subi pareu. Den un periodo asina aki bo kier tin control riba bo finanza. Bon noticia: cu un par di tips practico bo por spaar sin cu bo calidad di bida ta bay atras. Den Focus Digital Magazine di e luna aki, Cristina Tromp ta comparti 4 tips cu bo por aplica mesora den bo bida diario.
E prome conseho ta pa pone bo gastonan fiho riba papel. Hopi di nos sa alrededor kico ta nos entrada (salario) y kico ta e gasto y debe, pero ta importante pa bo tin un bista completo. Bo mester por pone riba papel tur bo gasto y debe. Conoce e cifranan. Asina bo ta mira unda bo placa ta bay y unda bo tin espacio pa cambia e cosnan. Por ehempel door di realisa cu kisas bo ta paga diferente abonnement sin realmente hasi uzo di e producto. Tene na cuenta cu maske con chikito e suma ta, cu bo lo spaar despues paso den un aña e suma ta uno mas grandi.
Traha presupuesto den un periodo caro no ta rekeri cu e mester ta perfecto, pero un conscientisacion. Cada cambio chikito ta conta. E ta yuda. Door di crea un bista riba bo finanza y haci desicionnan sabi, bo ta tene control riba bo finanza hasta ora e prijsnan ta subi. Cristina Tromp di Balor Consultancy & Consultancy ta splica di e tres otro consehonan den Focus, cu ta accesibel via Apple Store, Android Google Play Store y www.focus.aw (Menu Tab FOCUS DIGITAL)
