D
iahuebs, 28 di juni, a anuncia e ganador di “Guardian Group Fatum Best in Business Award Aruba” di 2018, den presencia di varios invitado, brokers, famia y e coleganan di e nominadonan y Gerencia di Guardian Group Aruba y Caribe Hulandes. Di un forma masha espectacular a presencia riba pantaya e introduccion di e companianan nomina.
Riba e video por haya un impresion di e evento cu a tuma lugar den Fort Zoutman (Museo Historico) unda e ganador absoluto Affinity Lighting & Design (Director Ewald Browne) a wordo anuncia door di Sr. Diego Fränkel, Presidente CEO di Guardian Group. Sr. Ewald Browne a ricibi e suma di Awg. 10.000,00.
E cuerpo di hurado a consisti di: Sonja Veldhuizen (Directora di Camara di Comercio di Aruba), Maria Dijkhoff-Pita (Directora di Departamento di Asuntonan di Economia/IDEA), Garrick de Cuba (Partner na EY), Ronny van Trigt (Presidente di ATIA) y como presidente di hurado Sra. Barbara Pochettino (Managing Director na Guardian Group Fatum Aruba). Den edicion di FOCUS pa e luna di augustus tin un amplio cobertura fotografico y mas informacion di e proyecto exitoso aki di Guardian Group Fatum Aruba.
