Cu hopi expectativa Gigiola a anuncia su union cu Valentina Terra. Un union cu a nace durante Colombia Moda recientemente. Valentina Terra ta un marca di tas cu a nace na Italia pero cu ta wordo manufactura y produci na Colombia. E un proyecto social cu artesanonan cu ta haci artesanía di luho y di calidad pa e mercado internacional. Nan a cuminsa na Merca y ta awor na Italia, Spaña y Grecia.
E siman aki tabata pa algun dia na Aruba e CEO & Co-Fundador di Valentina Terra, Camila Terra, pa conoce diferente punto di interes y importancia na Aruba pa e creacion di e tas y tambe un bisti cu lo pas cu ne. Den henter e proceso aki Gigiola a introduci Aruba na e diseñadora Camila Terra y mustra kico tur tin di ofrece. Nan a bishita e.o. Aruba Aloe y Museonan, y a destaca e importancia di turismo y historia, mustrando asina cu Aruba ta mucho mas cu solamente beach bunita.
Den un combersacion cu Gigliola Gomez y Camila Terra ambos a indica cu e union aki ta di gran importancia pa ambos. Pa Valentina Terra esaki ta significa pa drenta na nivel di mercado den Caribe mientras pa Gilgiola Gomez esaki ta un paso riba otro nivel. E ta un logro cu e por a trece e proyecto aki Aruba. Proximamente Gigliola ta biahando pa New York pa un union internacional cu un trunk show hunto cu Valentina Terra.
Esnan interesa den henter e desaroyo di e proyecto aki lo por sigui esaki a traves di e website www.gigiolagomez.com como tambe riba su plataforma social di facebook y instagram. Si tur cos cana manera programa ta premira un lansamento di e tas den luna di september na Aruba mes.
