E actriz y cantante Maria Conchita Alonso (The Running Man) ta dirigi un elenco internacional de estreya den un comedia nobo y dibertido. ¡He Matado a mi Marido! (I Killed my Husband!), E pelicula aki tin su toke local cu Jo Henriquez como un di e productornan. E estreno ta diabierna 1 di maart 2019 y lo tin tambe un lansamento special na Aruba.
E pelicula ta skirbi y dirigi pa Francisco Lupini Basagoiti, cu a ser nombra como Best Latino Filmmaker pa Directors Guild of America (DGA), pa e short film “El Nido Vacío” (The Empty Nest). E comedia ta centra rond di e personahe di Alonso, Remedios, un muhe desespera cu ta mata accidentalmente su esposo infiel, riba e dia cu ta organisando un fiesta grandioso pa honra su reciente Premio Pritzker. Cu e invitadonan yegando den algun ora, e mester a sobrebibi su dolor curason y un anochi grandi di celebracion sin ser descubri.
¡He Matado a mi Marido! Ta un melting pot di e culturanan Hispanico. E storia ta tuma luga na Miami y ta filma completamente na spaño cu artistanan for di varios pais di America Latina y Spaña. Aunke cada actor ta trece un poco di su cultura, e comedia y historia ta universal y cualkier ser humano, sin importa e idioma of cultura, lo hari hunto cu e personahenan. E tono di e pelicula ta irreverente, y ta atende temanan social manera empoderamento di e muhenan, romance, amor, sex, sexualidad, discriminacion racial y di clase social, cu un dosis grandi di harimento y erornan politico.
Completando e elenco principal ta Assumpta Serna (Matador, The Borgias, The Craft) como Berta, e housekeeper diberitido y fiel, Eduardo Yañez (Destilando Amor) como Pepe, e hardinero bruto – Guy Ecker (Eva Luna) como Piero, e esposo infiel – Miss Universe, Alicia Machado como Telma, e tanta loco y actriz, cu ta e sensacion riba e rednan social – Gaby Espino como Viviana, e amante problematico (Más sabe el diablo). “E pelicula aki a nace for di mi deseo pa celebra e rolnan di e muhenan fuerte y duro den cine”, segun e escritor Francisco Lupini Basagoiti. “Manera cu e situacionnan tragico y caotico ta desaroya den su alrededor, nos ta sinti e amor intenso di Remedios pa su casa y e desesperacion di su perdida, y e ta ser anima pa haya e curashi pa cuminsa di nobo, cu un indentidad nobo pa su mes”. E soundtrack di e pelicula ta presenta e single nobo di Maria Conchita “Ya no más” (“¡No More Lies!”). ¡He Matado a Mi Marido!, ta produci pa Jo Henriquez y Daniela Ruiz y distribui pa HM Movie.
