Ronwayne Kock (33) ta yiu di Frenk Kock y Stella Gonzalez y tin 2 ruman muher. Ronwayne mes tin 3 yiu; 2 mucha homber y 1 mucha muher y ta felizmente casa cu Münhayla Kock-Jansen. Ronwayne a lanta den contacto cu diferente cultura, ya cu el nace den e dushi districto di Savaneta, unda musica cultural tabata zona den tur skina y parti di su hubentud el a biba na San Nicolas, unda el siña otro cultura.
Na un edad relativamente hoben Ronwayne a realisa cu nos pais ta uno multicultural y cu e Arubiano ta bin di diferente nacion. Esey a yud’e amplia su conocemento den musica y di e forma ey, poco poco Ronwayne a sigui involucra su mes den musica. Actualmente e ta biba di musica y turismo y tin e bendicion di uza su talento como trabou. Haya sa mas di Ronwayne su bida artistico y personal den edicion di FOCUS di e luna aki.
