Pasco madruga 2.30 am, 25 december 2015, Juan a sorprende Alba na cas di un amiga comun y a pidie pa casa cu ne dilanti di tur esnan presente. Esaki tabata un sopresa pa Alba y e tabata super emociona. E no a spera esaki y naturalmente el a bisa: SI!
Albanuris (Alba) Reynoso Camilo (31) a nace na Republica Dominicana y a yega Aruba cu 19 aña. Algun luna despues, riba 6 di juni 2006, Alba y Juan Alberto Soto (33) a conoce otro dilanti Banco di Caribe, unda e mama di Juan a cera nan conoci cu otro. For di e momento ey nan a keda den contacto cu otro y Juan a invita Alba pa sali come un ijscream. Na principio Alba no tabata interesa den un relacion, pero Juan a insisti y cu amor y dedicacion a conkista e curason di Alba.
E pareha tabata tin un noviazgo di aproximadamente di 1 aña, pero esaki a termina door cu Juan a dicidi di bay biba na Spaña y nan a dicidi di haci nan bida separa di otro. Aña a pasa Juan a bolbe Aruba bek y nan a encontra otro. Alba y Juan a realisa cu nan tabata destina pa otro y nan a inicia nan relacion bek, cu mas amor y comprension cu nunca. Na final di 2016 nan a pone e fecha pa e matrimonio y a cuminsa prepara e matrimonio. Den revista FOCUS di maart por lesa mas ken ta Alba y Juan, cu detayenan di nan celebracion matrimonial y honeymoon.
Fotografo: Jimenez Photography
tremendo trabajo gracias a focus
a Jiménez y a todos los que pusieron su granito de arena para que mi día fuera perfecto..