Famia Real Hulandes a yega Lech na Austria pa descansa, relaha y pa pasa tempo hunto como famia riba e pistanan di ski na Lech Austria. Durante nan biahe anual pa e destinacion aki, prensa tabatin e momento pa captura e momentonan memorabel di Rey Willem- Alexander (50), Reina Maxima(46) hunto cu nan yiunan; prinses Amalia (14), prinses Alexia (12) y prinses Ariane (10) den sneeuw. E famia real Hulandes a mantene e tradicion familiar di bishita tur aña e compleho exclusivo di ski na Austria.

Maxima a bisti un jacket color violeta cu boots y handschoen cu ta match, a pose hunto cu Willem-Alexander y nan yiunan den un imagen tierno. Aunke prinses Beatrix (80) ta na Lech, e no a compaña su yiu homber mayor, nuera y su nietanan pa e sesion di fotografia anual cu prensa. Pa prensa esaki ta un di e oportunidadnan anual cu a wordo acorda cu e familia real di Hulanda pa participa den sesion di fotografia. A cambio e medionan ta respeta nan privacidad cu no ta compromiso real. E siguiente seccion di fotografia di famia real Hulandes hunto cu e prensa lo ta den zomer di 2018.

Fotografo: ANP – Imagen : RVD

LEAVE A REPLY

Please enter your comment!
Please enter your name here