Un guia cu lo hiba bo e destinacionnan rond mundo. A traves di e seccion aki, nos kier pone abo como lector, altanto di tur locual bo mester sa, ora di bishita bo destinacion preferi. Nos lo ta bo paspoort pa hiba bo lugar exotico, duna bo tips balioso, laga bo cera conoci cu cultura y gastronomia nobo y tur compila den un solo pagina. Mara bo faha di seguridad, paso nos ta cla pa lanta buelo.

 

South East Asia

Biahamento ta parti di kende Ryon Dijkhoff ta, como studiante el a sa di probecha conoce Europa completo, a pesar di tabata biba riba un ‘budget’ di studiante. Como clausura di su añanan na Hulanda como studiante, Ryon a dicidi pa haci ‘South East Asia Backpacking Tour’. ‘Backpacking’ ta un estilo facil, unico y economico pa biaha, pa esnan cu kier conoce mas tanto lugar posibel.

 

Bangkok Thailand

Ryon su biahe a cuminsa na Bangkok Thailand, unda el a bishita diferente lugar bunita di e ciudad. Bangkok tin hopi di ofrece den historia, shopping te cu bida nocturno. E interes di Ryon tabata mas hopi den arkitectura y historia, mayoria di su vakantie a bay na esey. Na Bangkok el a bishita entre otro Wat Arun, Wat Pho y e Grand Palace cual ta esun mas impactante.

 

Koh Tao y Koh Phangan

Koh Tao y Koh Phangan ta e islanan sur den e Gulf di Thailand, alabes e Ang Thong National Marine Park cu ta consisti di diferente isla hunto cu e lago impactante Emerald. Despues di esaki Ryon a sigui su biahe pa Khao Sok National Park, unda cu el a cana den varios bos, ‘waterfalls’ y e transportacion den e ‘longtailboat’ den e dam di Ratchaprapha tabata un experiencia unico.

 

Damnoen Saduak Floating Market

E ciudad di awa y curason, un experencia aparte unda cu bo tin cu ‘bargain’ for di den boto. Un atraccion unico riba su mes cu Ryon no lo lubida nunca. Despues a sigui e biahe den e ‘night train’ direccion pa Northern Thailand pa asina yega e ciudad di Chiang Mai. Algo sigur cu a impacta tabata e Wat Doi Suthep y e seronan, unda cu el a zipline pasa riba e matanan haltisimo den seronan di Chiang Mai.

 

 

Chiang Rai

Aki Ryon a bishita e Wat Rong Khun y tambe Pai pa asina gosa di e naturalesa, e veldnan di aros y e impresionante Pai Canyon. Despues di algun dia a sigui pa e prome capital di Nothern Thailand cual ta Sukhothai, unda cu por a aprecia e ruinanan di e Sukhothai Kingdom. E ruinanan ta conta un historia riba nan mes, cada un cu nan arkitectura unico y special.

 

 

Kuala Lumpur

Unda e ‘highlights’ tabata e Museum of Islamic Art, Batu Caves, Petrona Towers y e bunita ‘skyline’ cu Ryon a admira for di un Helipad.

 

Experencia Ryon Dijkhoff

Un experencia unico, e ‘backpacking trip’ aki ta uno cu lo keda cu ne pa semper, e recuerdonan bunita captura cu su camera, pero tambe den su memoria. Loke pa Ryon tabata mas importante tabata di por a conoce e cultura y e hendenan. Algo cu el a sa di aprecia, ta con afortuna nos ta di por ta bibando aki na Aruba. Ryon a redacta tur cos riba su red social di Instagram bou di e ‘hashtag’ #ArubanTraveler. Un tip cu Ryon kier a comparti ta, cu si bo ta interesa di bay ‘backpacking’, pa ‘expect the unexpected’, planea unda tur bo kier bay, pero no di mas, paso bo tin cu laga tempo pa bo por dicidi riba e cosnan inespera. Esaki ta duna bo e libertad y tambe ta relaha bo, alabes cu no constantemente bo mester ta ‘on the go’. Ryon a finalisa bisando: “6 siman a bula pa mi y sigur mi lo kier ripiti e tipo di biahe aki mas biaha y Asia sigur mi lo kier bolbe bek.”

LEAVE A REPLY

Please enter your comment!
Please enter your name here