Pa generacion, Olay a enfoca riba yuda e hende muher descubri nan beyesa natural y sinti nan mes mas bunita. Olay ta un marca cu ta posiciona su mes continuamente como e Number 1 na mundo pa cuido di cutis, modernizando y re-estableciendo su reputacion den e mundo di beyesa y e sciencia di su productonan.
E aña aki, Olay en conexion cu Dia Internacional di Hende Muher a presenta su prome Women’s Day Skin Care Seminar. Durante e seminario, Annaica Flores, Schoonheidspecialiste cu mas di 15 aña di experiencia den loke ta trata cuido facial, a duna un presentacion extenso tocante e importancia di cuida nos cutis, con pa crea un regimen di cuido facial y con pa trata e problemanan di cutis mas comun. Annaica a duna diferente tips con pa mantene un ‘glow’ inigualabel hasta sin makiyahe.
E participantenan cu a pone bon atencion durante e splicacion, conseho y tips riba e productonan di Olay, por a contesta facilmente e preguntanan hasi pa Annaica, y asina ricibi un tas yena cu diferente producto como premio. E anochi sigur tabata uno hopi placentero dedica na consenti e participantenan, cu a celebra e dia cu un dushi prosecco y un variedad di bolo di e bakery di Super Food unda e seminario a tuma luga riba di dos piso.
Tur e participantenan a 
ricibi un goody bag grandi yena cu diferente producto di Olay, Pantene y Gillette como regalo. Esunnan cu sigui e regimen di cuido facial segun Annaica a splica, y cu post nan potret tin e oportunidad pa gana un photo shooting pa sali den revista FOCUS.
