Ruthlene a warda pa anuncia riba su facebook cu e ta sperando baby riba diadomingo 1 di april, cu a crea duda si di berdad cu e ta na estado of ta un ‘1 april mop’. Sinembargo a resulta cu Ruthlene Flemming y su pareha Sherwin Sanchez ta sperando yen di alegria yegada di nan baby na september 2018.
Ruthlene a comenta cu aparte di su pareha y su yiu grandi Joshua, cu nan a bisa desde comienso, el a warda te dia cu el a cumpli aña na maart pa duna e noticia na e famia. Nan a organisa un brindis intimo unda nan a invita mayornan di ambos, ruman homber di Ruthlene y tres friend hopi cerca di ambos. “Nos a announce den un forma di un wega cu nan mester a habri un regalito tur hende na e mesun momento y adivina kico e kiermen. Claro tur regalo tabata un item di un baby. Hopi emocional, alegria y hopi hopi grito nan a haya sa cu nos ta ‘expecting’ un baby”.
Riba nos pregunta na Ruthlene si e ta desea awor un yiu muher, el a contesta cu e tin dos yiu homber Joshua (12 )y Easton (2), cu e ta stima nan super hopi. Nan ta mega pega cu mami y mas cu claro ta un anhelo di su curason pa e tin un yiu muhe. Sherwin ta desea intensamente un yiu muhe y su motibonan ta; pa di prome un yiu muhe ta pega mas cu e tata y di 2 dos, e kier pa e ta mesun bunita cu e mama. Esey ta loke Sherwin ta bisa tur hende constantemente.
Sinembargo nan ta laga tur cos den man di Dios confiando cu e lo duna nan un baby sano y su boluntad sea haci. Si ta un mucha muhe nan lo ta ‘over the top happy’ y si ta un mucha homber igualmente. Ruthlene a finalisa bisando: “Pero si bin un mucha homber again, I meant to be the Queen”. Den edicion di FOCUS di mei Ruthlene ta conta den detaye unda y con el a topa cu Sherwin Sanchez. Ki a haci cu el a conkista su curason completamente! Keda pendiente pa edicion di FOCUS pa luna di mei.
Photo shoot di FOCUS edicion october 2015 Fotografo: Jimenez Photography
