Despues di un ‘break’ Tyron de Freitas ta bek den e mundo artistico unda el a presenta tres ‘pop-up shows’ cu tabata un exito rotundo. E espacio cu el a tuma tabata sumamente necesario y na su debido momento. E shownan cu Tyron a presenta den e ultimo dos lunanan tabata dedica na su fanaticada y esaki a tuma luga den 2 diferente nightclub na Aruba.
E feeling ta AMAZING pa ta bek riba escenario y pa Tyron no tin nada mas dushi cu sinti e amor y calor bek di su fans. Awor mas cu nunca nan tin gran parti di loke ta stimula Tyron pa sigui crece y ta e miho cu e por ta como artista. “Nan merece esey y mucho mas”.
Den edicion di Valentine’s di FOCUS aña pasa na februari, Tyron tambe a forma parti di e grupo di guys soltero. El a comenta na FOCUS cu pa ta honesto mucho no a cambia te aworaki.
“I’m still single y 100% focus riba mi mes. Mi tin cu bisa si cu aunke mi personal/love life ta un topico cu nunca mi ta scoge pa ta social erover, awendia mi ta hopi mas open minded den e aspecto ey, pero sin pura”.
Algo cu su fans a tuma nota di dje ta tambe, cu Tyron ta hopi mas spiritual y riba e punto aki el a bisa cu Dios ta e punto central den su bida caminda tur cos ta cuminsa y caba. Sin Dje e no ta nada y sin Dje e no kier nada. Tyron su siguiente paso ta pa produci musica nobo, sali riba un tour den ABC y NL 2018 y expande su brand internacionalmente. “We’re gonna make history, watch me!”
