Desde aña pasa april Gino Petrocchi tabatin e renchi warda y na varios ocasion e tabata kier a surprise Maya Croes, pero nunca el a logra esaki debi cu e ta capta su intencionnan hopi lihe. Kiermen e tabata difícil pa Gino logra ‘surprise’ Maya. Despues di 1 aña cu Gino tin e renchi warda pa entrega esaki na Maya pa pidi’e pa bira su esposa, cu el a logra realisa su deseo. Gino a conta FOCUS cu di ora cu Maya a bis’e cu e tin hopi tempo sin haci un fiesta pa celebra su hacimento di aña (1april) y dicon nan no ta combina esun dje (14 april) pa hunto hasi nan birthday party.
“ Mi a bisa cu esaki lo ta e dia perfecto pa tuma e siguiente step den nos bida. Mi famia y Maya su famia lo ta hunto y tambe nos amistadnan mas pega. Diabierna dia 6 di april mi a pidi Maya su mayornan pa mi por pidi Maya pa casa cu mi, y e ora dia 7 di April porfin mi a logra surprise Maya sin cu e por a sospecha algo”.

 

 

Gino tabata hopi nervioso pero DJ Big Rig y DR.Eli a percura pa e playlist di cuater di nan cancionnan preferí, cu Gino mes a traha pa hasi e momento mas special posibel. El a yama tur nan invitadonan dilanti pa e gradici nan mientras Maya tabata kere cu ta stoelendans nan ta bay hunga. Gina a realmente logra sorpresa Maya dilanti tur hende ora el a hinca rudia y pidi’e pa casa cu ne. Maya di su banda ta conta: “Di ora cu mi a tende e prome notanan di e prome cantica mi tabata sa cu ‘okay’ e dia mes mes a yega, mi echt no a sospecha nada na niun momento. Mi ta hopi contento di por a comparti e momento aki cu mi famia y amistadnan. Nos a hari y yora hunto. Mi no mester a pensa mi contesta mes, mi tabata sa cu mi kier comparti mi bida y forma un famia cu Gino”.

 

 

E pareha a conoce otro october 2011 despues cu Maya a’ add’ Gino via blackberry pin door cu el a wak su profile picture (via un conoci) cu e ta hunga futbol. Desde cu el a add Gino nan a cuminsa papia cu otro y nan a topa otro riba caya pero como amigo. Temporada di carnaval nan a cuminsa wak otro na mayoria di e actividadnan y riba16 di Februari 2012 na lighting parade nan a dal un stap mas leu cu amigo. Nos por corda Maya na aña 2006 cu el a participa na eleccion di Reina Hubenil representando TOB y Pan Cayente. Despues na 2011 el a competi pa Reina di Carnaval representando Majestic Carnival Group.

 

Maya ta docente di basis di 3de klas na Colegio Santa Famia y Gino ta na Ipa den su ultimo aña di estudio di Movecion & Salud. Desde cu nan a conoce otro tur aña nan ta biaha hunto cu nan famia cual nan ta gusta haci den nan tempo liber. Ademas di biaha nan gusta bay cinema, bay ‘date’ na diferente restaurant y wak wega di futbol hunto aunke cu nan ta apoya diferente team. Maya ta apoya Real Madrid y Gino ta apoya Barcelona. E pareha no tin un fecha exacto ainda pa nan celebracion matrimonial, pero loke si ta sigur cu nan ‘wedding planners’ ta su ruman Endy Croes hunto cu Carl Quant.

LEAVE A REPLY

Please enter your comment!
Please enter your name here