Desde 2012, Compra NV, a cuminsa na stimula su empleadonan pa asina join caminata cu hopi biaha ta pa yuda un fundacion. Pa cu esaki Compra NV ta sostene e causa y tambe tene su empleadonan saludabel cu movecion diario. Di un grupo chikito, cu a crece na alrededor di 40 empleado, ta keda activo bou di e nomber di ComprActivo. Durante transcurso di e añanan a wak diferente talento y mehoracion den e “performance” den e grupo ComprActivo, pero a nota un talento special den Jhonathan Kock, desde su empleo na Compra NV.

Ganador Ronde van Aruba 2018 den categoria Single

Jhonathan a dicidi di join e grupo y asina cuminsa participa den tur e caminatanan. Inmediatamente a ripara un talento den Jhonathan, cu a capta atencion y a ripara cu coremento a bira un pasion p’e. Mirando su desaroyo den e deporte y e entusiasmo di su banda, Frisian Flag /Compra, a bira e patrocinador oficial pa Jhonathan pa un temporada di 1 aña. E prome careda di Jhonathan Kock patrocina pa Frisian Flag tabata e International Half Marathon Aruba, unda el a logra finalisa cu un tempo di 01:25:02 cu ta 5th place Overall y 1st place den su categoria (U20). Pa e careda aki Jhonathan a pela su cabey y el a dedica e careda pa su amigo, cu tabata batayando cu cancer na Colombia.

Pa e Ronde van Aruba 2018, Jhonathan ta pa prome biaha cu el a bay un ultra marathon su so, pero e tabata cla p’e y su experiencia tabata hopi nice pa yega e meta final di 72KM. Aña pasa na mei el a participa den relay cu un team di colega di Compra. E brand manager di Compra, Cheryl Coronel, a splica cu Frisian Flag ta focus den 2018 pa busca atleta hoben pa patrocina. Ora nan a bin aña pasa y casualmente a join tambe un maraton, nan a topa cu Jhonathan cu tabatin 18 aña. Nan a bisa: “Nos kier sponser e hoben atleta aki, paso e tin potencial”. Frisian Flag a cuminsa como e patrocinador di Jhonathan, pero nan lo wak si tin otro atleta den otro deporte, cu nan por yuda tambe bay dilanti. Den edicion di FOCUS di e luna aki por lesa mas di e hoben atleta aki Jhonathan Kock.

Gijs Hermsen, e supplier di Frisian Flag, Jhonathan Kock y Cheryl Coronel

LEAVE A REPLY

Please enter your comment!
Please enter your name here