Desde e prome anochi na e ‘Cena de Bienvenida’, Shanty Kanhai a causa impacto cu tur wowo a bay directamente den su direccion momento el a yega den su shimis berde haute couture, cu e team a diseña y confecciona pa Verena Lian. E comentarionan cu e director di Aruba, Robin Croes, a haya di e otro paisnan ta cu Aruba ta hopi bon prepara den tur aspecto. Shanty tur dia su look total ta impecabel tanto su makiyahe como cabey, vestuario, acesorio y sapato. E impacto ta asina grandi cu tur dia nan ta warda wak cu kico Miss Aruba ta bisti. E expectativa ta halto cu nan no por warda pa wak awe, e trahe final y trahe nacional. 

Segun Robin Croes cu un punto remarcabel ta cu e organisacion di Miss Teen Earth, tur e miembronan ta relativamente jong y toch nan tin tur cos hopi bon hinca den otro. E trato y atencion pa e missnan y nan acompañante ta hopi bon. Un total di 12 candidata lo competi pa e titulo di Miss Teen Earth y su finalistananan cu ta Miss Teen Water, Miss Teen Air y Miss Teen Fire. Segun e wowo critico di Robin, cu e candidatanan cu lo bay bataya awe nochi pa e titulo maximo ta e representantenan di Aruba, Brasil y Puerto Rico. Nos Miss Aruba ta resalta ademas di su beyesa natural tambe pa su personalidad cu ta hunga un rol grandi door cu e ta un mucha muhe hopi lief, humilde, puntual y ta bay bon cu tur candidata.

Awe Shanty for di mainta tabatin un schedule hopi druk cu e.o.; un intercambio di regalo na e Alcaldia di e Ciudad de Milagro, unda el a hiba un regalo special cu el a ricibi for di Departamento di Cultura di Aruba, merdia el a haci un grabacion den sport wear, pa sigui pa e parada di desfile di trahe nacional na e Ciudad de Milagro. E entrevista cu hurado ta socode prome cu certamen awe nochi pa 8:30 pa despues e certamen tuma lugar den un parke na e Ciudad de Milagro, cu por cierto awe ta un dia festivo y ta celebra esaki cu e Milagro Fest.

Tur hende por follow instagram page di Miss Teen Earth unda cu por LIKE y automaticamente e paisnan cu mas likes ta pasa pa e cuadro final.

LEAVE A REPLY

Please enter your comment!
Please enter your name here