E actriz Australiano ta luci miho cu nunca e zomer aki riba su ultimo post, cu el a publica riba Instagram, prome cu a asisti na un evento. Rebel Wilson a comparti cu orguyo diferente potret di su mes cu un bisti geel deslumbrante, cu un faha diki y halto, accentuando asina su cintura.
E “dia mas caluroso di aña”, e strea di ‘Pitch Perfect’ di 40 aña di edad a skirbi riba su potret di Instagram. Despues el a comparti otro angulonan di su mes den su bisti geel via di su story. Na januari, Wilson a cuminsa cu su campaña pa ta saludabel cu e basiconan: cana riba beach, bebe awa y mantene su mes leu di sucu y junk food.
Rebel tabata comparti e potretnan di su mes ta haci ehercicio y bahando di peso durante e aña. Na mei, el a comparti cu e tin como meta pa yega na 165 liber pa fin di 2020. E actriz ta post regularmente su cambionan y cu e ta focus riba su bahamento di peso y trahando cu su trainer Jono Castano. Rebel Wilson ta conoci pa su actuacion den e peliculanan: Bridesmaids, What to Expect When You’re Expecting, Pitch Perfect, Pitch Perfect 2 y e comedia How to Be Single.
