Tin asina hopi factor cu ta afecta nos soño, desde e consumo di cafeina te hasta exposicion na tecnologia te na e alimentonan cu nos ta come y ki ora ta consumi nan. Laga nos analisa e pio alimentonan y pa trata na crea un patron di alimentacion cu ta prepara nos pa tin un dushi soño.

1. Cafeina

Hopi hende por tabata den e situacion unda ya pa atardi rond di 4’or bo ta sinti distrai y no por stop di hap, pero mester sigui cumpli cu e deadline of busca e muchanan na les of ambos. E ora ta prepara un copi di koffie y esey no lo mantene bo lanta- berdad? Mientras cu bo no ta sinti specialmente ‘energized’ despues di bebe e koffie ey, su efectonan ta keda durante oranan largo, loke por crea problema pa drumi anochi.

Nos tur ta unico y ta procesa cafeina di un manera diferente, pero hopi hende lo tin dificultad pa pega soño si nan tuma cafeina na final di atardi. Siña cua ta bo limite personal y cumpli cu ne. Y corda cu cafeina ta den hopi bebida, incluyendo kombucha y otro te, yerba mate, sport drinks, refresco y como tambe sparkling water. 

2. Chuculati

Disfruta di un bon chuculati na final di dia por ta un forma maraviyoso di relaha, pero si bo ta sensibel na  cafeina, hasta 20 mg den un repi dark chocolate di 1.4 ons of un copi di chuculati cayente por ta suficiente pa laga bo lanta. Y mescos ta pasa cu ice cream cu tur e pidanan di chuculati. Y esaki ta hiba nos e proximo sabotiador di nos soño: sucu.

3. Sucu

Oh sucu … nos ta stima bo hopi, pero nos mester kibra! Sucu a ser relaciona cu asina tanto problema di salud, desde inflamacion te na buraco den djente y aumento di peso. Y si, tambe e por afecta nos soño. Un estudio haci na 2016 a conclui cu e hendenan cu ta inclui mas sucu refina y vet satura den nan diet y ta come menos fibra, tin un soño menos reparabel y ta spierta mas durante anochi.

4. Alcohol

Hopi hende gusta relaha cu un kelki di biña of un cerbes na final di dia. Alcohol ta un depressivum y por haci cu bo ta sinti mas relaha, pero desafortunadamente si bebe demasiado cerca di e ora di drumi por afecta negativamente bo soño. Djis un solo drink por causa roncamento y sleep apnea den e personanan cu ta drumi normal. Y di 2 pa 4 porciento di e hendenan cu sleep apnea cronico, alcohol ta haci nan condicion mas serio y ta aumenta e riesgo pa haya ataca di curason, stroke y morto repentino, Tene na cuenta cu bebe cu moderacion ta un bebida pa dia pa e muhernan y dos bebida pa e hombernan. Purba corta un poco e alcohol y wak si e ta yuda mehora e calidad di bo soño.

5. Cuminda pica

Mayoria di hende a yega di experimenta maagzuur den algun momento di nan bida. E sensacion di kimamento ora e contenido den bo stoma ta bolbe den bo slokdarm, ta comun y e por pasa cualkier persona.  Gastro-oesofageale reflux (GERD) ta ora e maagzuur ta sigui durante un periodo mas largo y por causa posibel complicacionnan. Varios cos por empeora e sintomanan GERD, desde come laat anochi te na come cuminda pica y zuur. Si bo ta experimenta sintomanan di GERD anochi of ora bo ta drumi, evita di come for di 2 pa 3 ora prome cu drumi, ni tampoco e alimentonan cu por trigger bo sintomanan.

LEAVE A REPLY

Please enter your comment!
Please enter your name here