Si bo ta buscando manera pa preveni griep y otro infeccionnan, e prome paso ta pa bishita bo supermercado preferi. Planea bo cuminda pa inclui e 5 alimentonan aki. Un nota importante ta cu niun suplimento lo cura of preveni griep y otro infeccionnan.

Frutanan Citrico

Mayoria di hende ta bay direct pa tuma vitamina C despues di haya griep. Esaki ta pasobra e ta yuda fortalece bo sistema inmunologico. Vitamina C ta aumenta e produccion di ‘witte bloedcellen’ cu ta yuda combati e infeccionnan. Casi tur fruta citrico tin un contenido halto di vitamina C. Cu tanto variedad ta facil pa agrega un di nan den cualkier cuminda.

Apelsina
Grapefruit
Mandarin
Lamoenchi
Limon
Tene na cuenta cu si, mientras vitamina C por yuda bo recupera di un griep mas lihe, ainda no tin evidencia cu e ta efectivo contra Covid.

Promenton Cora

Hopi hende ta pensa cu e frutanan citrico ta esnan cu tin un cantidad grandi di vitamina C compara cu otro fruta of berdura, pero no ta berdad. Un promenton cora ta contene casi 3 biaha mas vitamina C (127mg) compara cu un apelsina (45mg), y tambe e ta contene beta carotene. Ademas cu e ta boost bo sistema inmunologico, vitamina C tambe ta yuda pa bo mantene bo cuero saludabel. Beta carotene, cu bo curpa ta converti na vitamina A, ta yuda mantene bo wowonan y cuero saludabel.

Broccoli

Broccoli ta contene hopi vitamina y mineral, manera vitamina A, C y E, tambe e tin fibra y un variedad di antioxidante. Broccoli ta un di e berduranan mas saludabel cu bo por pone riba bo tayo. Pa mantene e balor nutricional di e broccoli intacto, ta importante pa cushin’e menos posibel. Investigacionnan ta mustra cu ‘steaming’ ta e miho manera pa cushina berdura y toch mantene mas nutriente di e cuminda.

Almendra

Ora ta trata di preveni y combati griep, vitamina E ta keda den segundo luga compara cu vitamina C, pero e antioxidante poderoso aki ta clave pa tin un sistema inmunologico saludabel. E ta un vitamina ‘fat-soluble’, cu kiermen cu e ta rekeri e presencia di vet pa e wordo absorba corectamente. Noten, manera almendra, ta yena cu vitamina y e vetnan saludabel.

LEAVE A REPLY

Please enter your comment!
Please enter your name here