Februari ta berdaderamente e luna di amor y “Galentine’s Day” awe dia 13 di februari ta fit perfectamente den e luna aki. Nos ta rapido pa regala y sorpresa nos pareha dia 14 di februari, pero e dia prome a ser diseña pa celebra otro relacionnan igualmente importante den nos bida: Nos amiganan! Galentine’s Day ta e momento pa reuni e sernan femenino den bo bida cu mas bo ta stima y aprecia.
Di unda Galentine’s Day a surgi?
Segun The Pioneer Woman, e prome biaha cu a cera conoci cu Galentine’s Day tabata den e episodio 16 durante e di dos temporada di e comedy show “Parks and Recreation”. E personahe ficticio Leslie Knope, interpreta pa e actriz Amy Poehler, a describi e dia den e episodio: “Kico ta Galentine’s Day? Oh, e miho dia di aña. Cada 13 di februari, mi amiganan y ami ta laga nos pareha na cas y nos ta bin hunto pasa un rato… muhenan celebrando muhenan”.
Con ta celebra Galentine’s Day?
Ora ta trata di celebra Galentine’s Day, tur cos por! Algun ta organisa fiesta unda e hende muhenan ta reuni y ta participa den diferente actividad creativo. E por bira un encuentro sumamente dibertido manera un anochi di biña y pinta, karaoke night of DIY craft night. Otro hende muhenan ta prefera di celebra bayendo un restaurant pa dinner y sip cocktails of bailando henter anochi. Aunke Galentine’s Day no ta un festividad oficial, el a gana hopi popularidad den e ultimo añanan, celebrando e importancia di e amistadnan femenino.
