E ta un ‘International Coach ICC’ cu tin yen di pasion pa e mundo di Chakras y su forma di incorpore den nos bida cotidiano, pa haci nos crece como persona y siña nos maneha nos emocion- y retonan diario. Laura Garay ta duna su workshop, “Un Viaje a Traves de los Chakras”, cu e ta prepara cu hopi amor unda e ta yuda e hendenan mescos cu el a yuda su mes, pa stima y gradici nos bida cada dia.
Laura ta namora di e ‘chakras system’ y el a studia y siña e manera di complementa nos bida diario cu ne. Ora nos conoce mas di nos energia nos por crece mas como ser humano. Nos mente por trece cerca nos hopi reto diario y diferente emocion, y si nos ta prepara cu hermentnan cu por yuda nos con pa maneha esaki, nos por yega na mehora nos bida. Pensando con pa yudo otro, a traves di cual el a siña, el a diseña e workshop “Un Viaje a Traves de los Chakras”, unda e ta introduci e participantenan di un manera facil y simpel, con pa conoce bo sistema di energia interior. E ta siña y guia e participantenan di e seis chakranan: SACRO-Creatividad, SOLAR-Sabiduria, CORAZON-Amor Curativo, GARGANTA-Comunicación, TERCER OJO-Intuicion y CORONA-Espiritualidad. Por sigui Laura Garay a traves di su social platform:
Laura Coach Aruba
