Halloween ta un festividad ideal pa disfrasa y disfruta di ‘trick or treat’ pa pasa un momento dibertido. Hopi mayor no a laga e oportunidad aki pasa voorbij sin bisti nan yiu(nan) den e disfrasnan di mas creativo. Na Aruba grandi y chikito a celebra Halloween y no tin duda cu nan a haci esaki cu e ‘toke’ unico. Nos a capta algun di e mamanan cu tabata riba e portada di revista FOCUS, cu a post riba nan social media potretnan pa share cu nan friends.
E portada di mei 2015, Roxana Effer, a gana premio cu su oufit, unda e ta traha na Wind Creek Seaport Casino, mientras su dos yiu muhernan, Chadey y Chouvienne, tambe tabata full den e vibe di e celebracion di Halloween.
E portada di FOCUS na september 2016, Gionina Engelhardt, a post algun potret super fun cu su yiu muher, Neyhiah Lykxienne, y por mira cu nan a realmente disfruta ‘all out’ Halloween e aña aki.
Un pareha cu tabata riba portada di FOCUS pa Valentine’s Day prome cu nan casa, Michelenne Obispa y Dakie van Lennep-Yrausquin, a join nan yiu homber den su trahe di Spider Man, cu ta un super hereo ficticioso pa celebra Halloween.
