E posibel motibonan cu por a origina cu Caroline Flack a comete suicidio a keda revela. E curpa sin bida di e presentadora britanico a ser haya ayera den su apartamento na London. E agency di e presentadora di television britantico, Caroline Flack, a acusa e fiscalia di a monta un ‘huicio espectaculo’ contra un figura vulnerabel.
Durante e ultimo lunanan Caroline Flack tabata bou di un enorme presion door di e caso, cu el a dal su pareha cu un lampi. Despues di e anuncio ayera di e fayecimento, un abogado di e famia a confirma cu Caroline Flack a comete suicido. Conoci pa presenta e reality show Love Island, Flack (40), mester a wordo husga na maart. El a ser deteni na december acusa di a dal su guy, Lewis Burton den su apartamento na London. E pareha di Flack a desminti loke a pasa, declarando cu e no a dale cu un lampi, den un mensahe riba Instagram.
