Na 2009 Lurena a participa pa prome biaha como compositor den “Festival Un canto na nos Himno y Bandera”, unda el a logra bay cu e titulo maximo di compositor ganador. Despues di esey, te cu dia di awe, Lurena ta disfruta un mundo pa pone su inspiracionnan riba papel pa e cantantenan di tur categoria. Cu hopi orguyo y danki na Dios, Lurena por bisa cu tur aña nan ta cera e festival exitosamente. Ta un satisfaccion hopi grandi di por ta parti di e alegria, principalmente di un mucha, ora nan logra cay den premio.
Lurena ta unico yiu di su mayornan y ta bin di districto di Savaneta. E ta mama di 3 yiu muhe, 2 di su mes y 1 di criansa. El a lanta den un famia musicalmente talentoso, su tata (bahista) hunto cu su omo (defunto), prima y su amigonan, nan a forma nan propio “conhunto” cu tabata toca na diferente fiesta. Den edicion di revista FOCUS di e luna aki Lurena ta contesta preguntanan interesante manera: Kico ta mas importante p’e, ora e tin cu composita pa un persona – Con e ta wak e evolucion di musica na Aruba – Kico ta e reto di mas grandi como compositor. Busca bo revista FOCUS y lesa e entrevista cu Lurena Schwengle.
