Siman pasa Kanye West a converti den un candidato independiente pa e proximo eleccionnan presidencial na Merca, ora el a registra su partido, BDY. Su siguiente paso tabata pa duna su prome discurso unda el a papia tocante interupcion boluntario di embaraso y el a revela cu su casa, Kim Kardashian, tabata a punto di aborta nan prome yiu muhe, North West. Cu el a keda na estado den un momento di e relacion cu niun di dos tabata kier un yiu. E declaracion aki a shock Kardashian y mas tanto cu esaki lo bay hurt nan yiu cualkier dia cu e lesa loke su tata a bisa publicamente.
Despues di su manifestacion politico diadomingo, Kanye West, a haci tambe un serie di tweets, unda e ta compara su situacion cu esun di Bill Cosby den e pelicula ‘Get Out’ y tambe criticando su suegra, Kris Jenner. Kanye West a publica un serie di tweets ayera anochi reclamando cu su casa tabata tratando di cer’e pa rasonan medico. Den su tweets, cu ta awo elimina fo’i su profile, e ta compara su mes cu Nelson Mandela y tambe ta bisa cu e pelicula ‘Get Out’ ta basa riba su mesun bida.
Kanye a tweet: “Kim tabata purba di bin Wyoming cu un doctor pa nan cera mi, manera den e pelicula ‘Get Out’, paso mi a yora ayera debi cu nos a salba mi yiu muher su bida”. E tweet aki ta referi na kico el a bisa cu e y Kim tabata considerando aborta nan yiu na 2013 ora Kim tabata na estado. El a afirma cu Kim a bula bay Wyoming cu un doctor, manera un intento pa convence pa e registra boluntariamente den un hospital pa e check su salud, y pa e deal cu su bipolar. Den un otro tweet el a bisa: “Si mi wordo cera manera Mandela, boso sa dicon”.
Kanye West tambe a proclama: “Mi ta stima mi casa”, pero despues el a comparti un mensahe cu el a manda na Kris Jenner, unda e ta bisando pa e yam’e y stop di ignor’e. Despues el a denuncia algun decision di su casa den su ‘business life’, y el a insinua cu Kris Jenner tabata esun patras di e decisionnan ey. Kanye a bisa cu su casa nunca lo explota nan yiu muhe, y el a tweet cu su yiunan nunca lo bay den Playboy. E ultimo tweet tabata cu su album nobo, DONDA, lo wordo lansa diabierna. Tur e tweets a laga hopi di su votadonan y fanatico insigur, si su campaña ta sincero of si e ta un ‘publicity stunt’ pa e bende su productonan y albums.
For di otro fuente e noticia a sali awe cu Kim lo a pidi su divorcio despues di e declaracionnan polemico di Kanye. E famia y hendenan cercano di e musico cu awor ta politico ta sigura cu e mester ayudo profesional cu urgencia, y cu e ta pasando den un episodio bipolar grave, pero cu e ta nenga di scucha nan.
