Awe un di e serienan mas spera a inicia riba Netflix, e di cuater temporada di ‘The Crown’, cu tin e yegada di dos personahe fundamental den bida di House of Windsor: Diana Spencer y Margaret Thatcher, interpreta, respectivamente pa Emilia Corrin y Gillian Anderson. Den un entrevista Emilia a papia con importante tabata p’e pa haya di e director, Peter Morgan, e oportunidad pa encarna un di e icononan di moda, filantropia y beyesa, pero tambe cu mas drama den su bida di siglo XXI, Lady Di.
Un di e escenanan mas spera ta pa mira Emma Corrin cu e shimis di bruid di Diana Spencer
E actriz a expresa tambe a pesar cu Peter Morgan a haci un radiografia di e realesa britanico, no mester perde di bista cu e script di ‘The Crown’, e personahenan ta un representacion ficticio. El a lesa y investiga durante algun luna, pero ora el a haya e paginanan, el a descubri cu e investigacion ya no tabata importante. Por a lage un banda y concentra den e material cu e tabatin su dilanti, e script y e personahe cu Morgan a crea den cierto sentido tabata realmente util, pasobra el a sinti awo ta toca na dje pa duna bida na e persona aki. Emma a remarca cu el a traha hopi cu e entrenador di dialecto di stem, esey tabata un parti clave p’e.
A pesar cu e historia di ‘The Crown’ ta basa den e hechonan real tin tambe un gran parti di ficcion.
Corrin a observa na detaye e forma con Diana tabata desenvolve: “Realmente e ta yuda e caracterisacion, ya cu nos ta pasa hopi tempo ta wak con e tabata move a traves di mundo, con e tabata para dilanti un porta. E detayenan chikito a yuda hopi pa hacie menos eng. E ta un gran responsabilidad y tambe un gran honor”. Despues di a drenta full den e bida di Lady Di, Emma a descubri algo cu a toca su curason: “Mi ta pensa cu e tabatin e forma aki di entrega su mes completamente den tur cos cu e tabata haci, y asina el a mustra na tur hende, manera un toren di forsa y amor, incluso ora e tabata sufriendo”.
