E multifacetico Jennifer Lopez a anuncia cu e ta bay lansa su propio linea di beyesa JLo Beauty. Den un comunicado di e marca, el a bisa si bo kier sa con e ta logra pa su cuero ta mustra asina? Esey ta e manera con e ta biba y ta bastante simpel. E ta tumando esaki hopi na serio, y e kier pa e hendenan sa cu e ta profundamente significativo p’e, cu e ta algo personal. El a mehora su propio bida haciend’e mas bunita y mas simpel. Y awo e kier loke el a siña pa comparti’e cu e muhenan rond di mundo.
Aunke cu e artista di 51 aña ta biba segun su mantra di beyesa, e ‘Cinco S’ – soño, sunscreen, serum, suplemento y sano – tin un ingrediente en particular di cual el a depende riba dje semper. Incluso hopi prome cu e tabata den spotlight. Su mama tabata sa bise cu azeta di oleifi ta e remedi pa cura tur cos, segun e cantante y actriz a splica. E ta un secreto cu el a uza durante añanan, pasobra realmente e ta funciona. P’esey ora nan a bay crea e linea, e prome cos cu el a bisa tabata: “E mester tin extracto di azeta di oleifi como base”.
E marca a formula un mescla di 4 parti di aceituna cu ta mas ‘up to date’, cu ta inclui squalane, azeta fermenta, azeta extra virgen y extracto di blachi. Ademas di e proteccion antioxidante, e combinacion aki ta brinda hidratacion durante henter dia pa un briyo cu ta sali di paden pa pafo. E coleccion di 8 producto cu tin henter un regimen di cuido pa cutis, ta wordo lansa dia 1 di januari 2021 riba jlobeauty.com y 24 di januari na Sephora y Amazon.
