Den e seccion di Highlights di e Compromisonan 2020 den Focus Digital di e luna aki, Amerey Tromp y Marc Giel a conta con nan a conoce otro, y despues di un aña nan a ‘letterlijk’ cuminsa papia cu otro. Esaki tabata na e celebracion di casamento di e propietaria di e boutique, unda nan a conoce otro mientras cu Amerey tabata modela y Marc tabata filma pa un programa di television. E aña aki riba Valentine’s Day Marc a ‘pop up’ e pregunta durante un cena romantico.
Durante e planeamento, e pandemia a bin cu a tarda nan un tiki. Pero nan a dicidi di pone un fecha toch cual ta dia 22 di december. Aunke nan mester a haci nan celebracion mas chikito, mirando e situacion actual na Aruba y rond di mundo, nan a celebra un fiesta fabuloso cu a resalta e personalidad di e pareha. Den su post riba su rednan social Marc a comparti dos potret bunita cu captions dedica na awe su casa Amerey Tromp. Pabien na Amerey y Marc Giel cu nan union matrimonial.
