E strea di TikTok, Rochelle Hager(31), cu tabata conta di su bida riba e rednan social, unda e tabata cubri diferente topico manera relacionnan LGBTQ te na smaak di saus pica, a muri despues cu un mata grandi a cay riba su auto dialuna ultimo. Hager tabata coriendo momento cu un ‘pine tree’ a cay y placha su SUV. Un rafaga di biento a tira un parti grandi di e mata riba su vehiculo alrededor 10or di mainta, unda cu e pida mas grandi di e mata a dal den e asiento di e chauffeur.
Richelle tabata comprometi cu Brittanie Lynn Ritchie(28), y nan tabata comparti videonan cu ta ‘highlight’ nan relacion cu nan 130,000 followers. Brittanie a comparti un video diamars gradiciendo su audiencia pa nan apoyo. Brittanie a conoce Richelle na juli aña pasa. E pareha tabata planea pa casa dia 16 di october, y el a conta cu nan tabatin e venue, fotografo y tur cos cla pa nan casamento. Brittanie a bisa cu Richelle Hager tabata un hende hopi positivo y tabata gusta pone hende hari. El a agrega cu e tabata un persona amabel y e tabata e miho amigo di su yui.
