E cantante di 19 aña a laga atras su pañanan grandi y los na su curpa, pa un cambio den su imagen, cu por ser mira riba e portada di e revista Vogue. Billie Eilish a causa un shock riba e rednan social despues di e publicacion di e revista Britanico ‘Vogue’. Pa prome biaha, Billie a laga atras su ‘iconic’ outfits grandi cubriendo full su curpa, pa un corset transparente, un estilo inspira door di ‘Pin up models’ y cu su cabey blond.
E paña cu Billie a bisti tabatin un hustificacion, pues e idea di no ser husga pa su curpa semper tabata un prioridad p’e. Su cantica nobo ‘Your Power’ ta elabora tocante di e explotacion di e mucha muhenan y e ta conta cu p’esey e ta tuma un posicion nobo. Billie ta bisa: “Si bo mustra bo curpa y bo cuero of no, esaki no mester kita e respet cu bo merece”.
E mensahe di amor propio y empoderamendo di e ganadora di Emmy ta hopi cla: “Ta trata di loke ta haci bo sinti bon. Si bo kier opera, haci bo operacion. Si bo kier uza un bisti cu un hende ta wake grandi, f**k nan. Si abo ta sinti cu bo ta mustra bon, bo ta mustra bon. Haci loke bo kier, ki ora cu bo kier. ‘f**k the rest’.
