Un di e famianan mas cercano di reina Máxima, su omo Jorge Horacio Cerruti, a perde su bida dia 29 di april door di Covid-19 na e edad di 75 aña. Varios medio a reporta cu coronavirus tabata e causa di e fayecimento aunke algun otro medio, a sigura cu su morto ta door di cancer cu e tabata sufri di basta tempo. Sin importa e causa, e realidad ta cu reina Máxima no por a biaha pa Argentina pa despedi di e ruman di su mama, María del Carmen Cerruti, cu a ser dera diasabra 1 di mei den e kelder familiar na e cementerio de Pergamino na un ciudad provincial cu mas di shen mil habitante, di unda e famia materno di Maxima ta procedente.
Segun prensa di Argentina cu Máxima y su omo semper tabata hopi uni, kisas debi cu durante su infancia e tabata pasa temporada largo na e localidad San Nicolas, den e epoca cu su tio tabata veterinario di profesion, e tabata hunga polo y e tabata compañe. Den e ultimo añanan, reina Máxima a pasa door di varios golpi debi na fayecimiento di e sernan keri hopi cercano. Na 2018 su ruman mas chikito, Inés Zorreguieta, a comete suicidio cu 34 aña. Un aña prome su tata, Jorge Horacio Zorreguieta, cu tabata lucha contra Hodgkin lymphoma, un tipo di cancer cu ta afecta e sistema linfatico. Na ambos ocasion, reina Máxima por a biaha bay Argentina pa despedi di su sernan keri,
