Prinses Charlene di Monaco (43) a debuta cu un peinado nobo y espectacular den su reciente trip pa conservacion na Sur Africa. E casa di prins Albert a show un ‘French cop’ hairdo, den algun snaps cu a ser comparti riba Instagram pa su organisacion caritativo. E realesa, cu ta mama di e morochonan, Jacques y Gabriella di seis aña, a sali pa prome biaha cu su cabes medio feita na december aña pasa, pero a bay awo mas cortico y mas bold cu su corte.
E palacio a haya obliga pa comenta riba e paradero di e prinses prome cu Monaco Grand Prix, cu e mester a asisti hunto cu Albert. Na su luga e prins a asisti cu nan yiunan. Charlene, cu a lanta na Sur Africa y a representa e pais na 2000 Sydney Olympics, a biaha pa Thanda Safari na KwaZulu-Natal pa siña mas tocante e trabou di e Fundacion Prinses Charlene, cu ta pa yuda salba e neushoorndier for di e esnan cu ta captura y mata e animalnan ilegalmente. Charlene a bisa cu henter e experiencia aki a conmove y cu el a conecta cu hendenan increibel, cu tin un pasion increibel pa proteha e animalnan y e medio ambiente.
